Face-to-face with Miss Zomi 2011 1st Runners up Lia Dim Biak Hoih Shoute @Biakte

A 63 veina ZOMI NAM NI Kawlgam-Vaigam kithuah in Singngat khawksung Suangdoh Khua a zattuah na ah Lia Zomi 2011 ding a tel khiat Zolia thumte’ lak a khat ahi Lia Dim Biak Hoih Shoute @Biakte, tawh holung kupna tawmno Zomi gam tuamtuam a omte leh Zogam sung a omte sim ding in hoih kisuah hi.

Vaphual.net        =  Vaphual
Dim Biak Hoih     =   Biakte

Vaphual: Dam maw Biak!       

Biakte: He, dam ing.

VaphualLia Zomi 2011 1st Runners Up nong ngahna ong lungdam pih lua hi ve ung.

Biakte: (nuihmai leh zummel sim in) lungdam ei.

Vaphual: Tulaitak in sep nei ta maw, ahih kei leh sang kah lai?

Biakte: Sang kah, DM College of Commerce, Imphal ah B.Com final year ka sin laitak hi.
Miss Zomi 2011
Vaphual: Aw, hoih mahmah ei, bang sanginn pan in taan 10 leh 12 ong na hia le..?        

Biakte: Class-X pen  St. Paul’s Institute New Lamka (G) panin zo ing, Class-XII pen Rayburn College, New Lamka pan.
Miss Zomi 2011
Vaphual: Lai lah siam, na mel lah hoih zomah lai in, thupi lua himai, tua lo a dang tampi zong na siam om ding hi veh aw..               

Biakte: (hong nui khia guih hi)

Vaphual: Na Sangman ciang bang lam lunggulh in na nei a?      

Biakte:  Banking lam ka lunglutna hi.

Vaphual : Ong deihsak mahmah ung, ahih leh Lia Zomi 2011 kiteelna ah na pang sawm lai in nang ma mimal lunglutna mah maw, ahih kei leh hong kisawl/kicial khak man hi zaw maw? Lawmte zong a pang man ua va kihel kha maw leh?             

Biakte: Hituan kei, kei utna leh, ka innkuanpihte’ hong tha piakna uh tawh hizaw.

Vaphual: Teel khiat a na om khit liant in, bang ngaihsutna hong piang masapen a?

Biakte: Topa’ tungah lungdam ko ing, ka kuan ding lai un zong ka pu in thungetna hong neihsakna ka innkuante’ ii hong thapiakna gah hi ci ing. Lundam lua ing.
Miss Zomi 2011
Vaphual: 1st Runners Up ciang tung hi cin a, tua ii a tung zaw na ngah khakloh pen bang ci ngaihsut in na nei?              

Biakte: Ka tan bangbang ah lungkim ing.

Vaphual: Na kidem lai un, judge te’n bang zah vei hong dotna hong nei a, nang bang ci saan, cih khawng ong gen dih ve..                            

Miss Zomi 2011
Biakte: Nih vei thu dotna ong kinei in maw… dotna khat  pen, “melhoih ningtui kidawnlo” cih hi in, ken, “melhoihna in nuntaakna hong pia theilo cihna hi” ci in dawng, a dang khat pen, “Zomi      sung ah family planning om pen hoih na sa hia? sa lo?” cih pen ah, “hoih sa lo, eite pen Pasian’ hong teel minamte kihi na pi in, kitawm mahmah lai ahih na ah ” cih bang in dawng      ing.

Vaphual: Maan lua hi mai ei.. kidem lai in, bang zah vei puan na kilaih uh?         

Biakte: Casual,Traditional leh Gown cih bang in kilaih ung.

Vaphual : Mailam ah kidemna om zel dingte ah na kihel sawm lai na?    

Biakte: Thei nailo.. a lem dandan.

Vaphual: Hih lo adang, bangbang ah kihelkhakna na nei hia? 

Biakte: CSA Golden Jubillee 2006 lai in Blue Star Academy ah 1st Runners Up mah ngah ngeita ing.

Vaphual: Na hun awl leh sang na kah loh ciang bang na hih zel a?  

Biakte: Innkuanpihte’ inn nasep huh pen mai, Laibu tuamtuam khawng sim zel, music bel lunglut loh hangbel ngai thei veve.
Miss Zomi 2011
Vaphual: Zomi lasa teng lakah kua siam na sa pen?         

Biakte: Numei ah Zamnu, Pasal ah Thawn Kham.

Vaphual: A zenzen in, ngaihno hong ci ding na nei khiinkhian ta hia?       

Biakte: Neih sawm nailo.

Vaphual: Na pasal ding in mi bang ci bang na deih a?          

Biakte: amasapen pen in Zomi mah deih ing, tua leh kei leh ka innkuanpihte hong it pih thei mi.

Vaphual: E.. na meh duh zong nong gen nai saam!

Biakte: mehciim, voksa-annkam tawh huan cih khawng..

Vaphual: Lundam ei, na hun nong hop theih, Cibai!

Biakte: Kei zong lungdam.
Miss Zomi 2011
TOMKIM IN:

Min:      Lia Dim Biak Hoih Shoute @Biakte

Khua:    Pangzawl, Churachandpur, Manipur.

Pa Min: (L) Thang Tho Za Kap

Laitaan: Class-X, St. Paul’s Institute, New Lamka (G), 2006, 1st Div.

Class-XII Commerce, Rayburn College, New Lamka, 2008, 1st Div.

TDC/B.com (Management Honours) 3rd year, DM College of Commerce, Imphal.

Hobbies: Reading, Music, Playing Volley Ball.

DoB:      28th Sept.

Height/Waist/Weight: 5.6 ft/27 cm/48 kg

Admin’s Note: Hih bang a manlang tak leh picing tak a interview-na hong sai Lal Lamka (http://www.facebook.com/NaLawmPa) tung ah lungdamna lian mahmah hi.
©Vaphual.net

Posted on February 26, 2011, in Cimphawng/Tuahkhak teng, Zomi/Zogam thu and tagged . Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: