Tulpaan kai Sanlui

Hih thu pen UK a Sya tThang in a vek in hong gen in bangzah vei omkhawm a,  bangzah vei kitawp hong cihciang in a detail in ka gen suk hi. A om bangin kong post kik ahi hi. A mun leh minte pen a kilawm bangin Ethic Privacy sukkhak loh nangin na laih ingh. Ong telsiam un.

Kei ka min Suan Let Tung(Sua Tung), Mauvom khua Pa Thual Sian Siam Leh Nu En Ngaih Don te ii tapa neu pen hi ingh. 2006 to 2007 kum in Tedim ah Monica Lekno(Lekno ki zang suak) te tawh Tan 10 kah khawm in, Kei ka pa in hong nusiat ciang kalai sim na khawl in, 2007 ciang Faith Baptist Bible College ah B R E sinin 2011 ciang na man ingh. Tua hun sungpen Lekno tawh Contact kingah vetlo uh hi ingh. Lekno ah om cih ka theih hangin zongna dan ding thei lo hi ingh. Aman zong khat vei hongzong in ko sang lopi ah na pai kha cih thu za ingh. Sang ka man ciangin Human Resource Training kahin Myoma ah mi inn ah om ingh. Tedim ah U leh nau neilo in inn zong om na ding nei lo in mi zawng mahmah khat hi ingh.

Ki muh dan
2012 kum kipatlam in Grace Assembly ah Lekno in hong mu in hong hopih hi, ken Lekno zong haih liang hi ingh. Tua ni aa kipan Lekno tawh phone tawh a hizongin email tawh ahi zong in kiho zel hi ungh. Lawm hoih mahmah hi ungh. A lai hong aung ciangin moh kong taih ding ci-in ki ho hi ungh. I lawmte khat honggual zawh ciang in ki nuam mahmah hi. Tua hun lai kei Australia ah laisiangtho sangkah ding ka ki thawithawi laitak hi. A hih hang kei Sezang lam ah ak khawi kawmin ka om lai tak hi.

Ken pen phone zong neinai lo in Lekno in hong hopih zel hi. Lekno in nikhat Assignment hong bawl theihloh ciangin kei hong bawlsak hi. Ken zong katel loh hangin ka hihtheih zahzah in na bawlsak in tualai tak in U Cecilia zong om lai aa Lennupa villa ah giak in zan khua ka na bawl khawm uh hi. Hih hun ciangciang pen lawmta hi lai in nuamsa mahmah ungh.

How it started
Assignment dang a neihciang in hongsam aa khatvei ka paileh alawm te om ci in innah honglut saklo in, inn nuaiah hongngak sak in hong kha kik hi. Tua ciangin kei heh pianin Lekno in hong ngaih lam hong kilang sakaa “U Tung, heh kei o, hong ngai ingh” hong ci in ken zong dawng pah lo in a nidang ciang ka itna thu ka gen kik leh hong sang pah hi. Tua laisan tak pen kha 8, 2012 hi kha ding aa u Cecilia pai nai lo deuh hi. U Cecilia a pai ciangin Lekno a lung hong leng lua a hih man in kei assignment bawlkawm ding leh a giak dingin hong sam zel aa ken zong ka ngaih taktak a hih ciang in niallo in a om hi ingh. Lennupa villa ah kalkhat sung bang kalup khop hang un bangmah mawhna bawllo hi ungh. Zan khuabang zanhak in ko nih bek ki enen hi ungh. Khat leh khat ki ngai mahmah hi ungh. Khatvei Lekno’ Dairy ka et leh a sumzat na mu in ka mul hongkim vat hi. Tua ciang in Lekno aw kikhen mai ni, kei mizawng mahmah hi ing, hongvak zo kei ningh ka cih leh “U Tung, bang a hia na lau, Pasian in hongvak ding hi. Ke’n nang hong vak ning” hong cih ciang ka tha hong ling vat hi.

Mawhna ki patna
Tua ci in atamzaw Lennupa villa ah ki om khawm aa mihing i hihna tawh ki tawpte ki zutte damdam aa hongki pan aa sisan hongkhang in feeling hong kah toto ta aa a zanma sa ni 2vei om khawm ungh aa ka nih un kisik mahmah ungh. Hoih kei ci in mundang tuakah om zel in kiho kha le ung kingai mahmah in hong pai-o kici kha zel hi ungh. Tua ciang, ke’n ka nuntak na-ah Lekno pen ka omkhop masak pih numei ahih manin ka tenpih ding ciang na ngaihsun pah hi ingh. Tua laitak ka dau hong pailo in ka sang kahding vai hong ki pelpel ta hi. Nisim naisim kimu nuam in Lennupa villa mah ah na om khawmkhawm ungh. Zankhat ka giakkhop nak vua leh 2 vei 3 vei na omkhawm ungh. Hi pen one-sided bek hilo in both-side agreement tawh a om khawm ka hi uh hi. Hih ciangciang kilemloh cih omlo in nuam sa mahmah hi ungh.

Kilem loh na hongkipat dan
Lekno kangaih na hongkhang semsem ahih manin ama thu ka lung hong lut manmah in na kankan hi ingh. Lawmngaih dang gamdang ah a neih thu Khualpeek, Muangsen leh zuthawl a kipia khin a hih lam ken thei panpan hi ingh. Khatvei bek mawh hi lo in tamveipi kimawh khina, taisan ding cileng hong hi thei nawn lo hi. Tualai kei nak hehlua mahmah in kikhen ni ka cihcih hang Lekno in hong khen zo lo hi. Ke’n zong a khen zo tuan lo hi ingh. Ko gel kaki tot uh hangin ki ngai in ki kawi in kapkap thei zel hi ungh. Omkhop lam toh ki sai in kanih un khangno kahih na uh tawh hat mahmah hi ungh. Gamdang pan phone hongpai leh sawtvei pipi hong ki hoho in ken haza mahmah thei hi ingh. Hong thusim lo in khat veivei ka lungkham mahmah hi.

Supna
Lekno kangaih hang in Golden chance for my brighter future tampi tak sum ingh. Lekno zong tua mah bangin kei hang tampi sum hi. Sumleh pai a hi zongin phone a hi zong in sum hi. A phone pan mitawh kihoho in kei hongthu simloh ciang ka heh suakin kikhen ni cih kawm in a phone denkhap sakin ka ciah leh Lekno in hong kaikik aa hongngaih na thu hong gen in kikhen zo tuanlo hi ungh. Muangsen tawh kaki ngai nawn kei uh ci in tamvei pi hong hilh khit ciang, ken zong um in om hithiat hing. Ni khat Myoma ka omna lamah hong hawh in phone thak khat nei aa ka-et leh Romantic Lekno cihkhat aphone sung ah om in kenzong hongin ci ka hongsak leh Muangsen tawh a kiho simna mu kahih manin ka lungsim hongna sak mahmah aa password ka nget leh hongpia lo in. Na psasword nong piak kei leh phone dengkham ding ka cih leh phone dengkhap ding ut zaw hi. Tam vei omkhawm talua ka hih man un ka zidan aa mu in sai ngam vua ngam ta hi ingh. A man zong a pasal dan aa hong en hiam Lennupa villa inn ah hong vua ngun mahmah hi.

Chaungtha beach
Kingai tuak mahmah in ka klemloh uh hang nikhat sung daih zo ngeilo aa ki lem kik pahpah hi ungh. Chuangtha beach zong Dimkhawl te tawh paikhawm in nuam sa mahmah ungh. Hih ciangciang pen kuaman hong thei nailo in 50 vei bang om khawm khin ding hi ungh. Kei bang gawm zo liangh hi ingh.

Ngimna
Kei mizawng daipan Austrila lam kapai theih loh ciang Malay paisawm mai hi ingh. Visa zong kiten khin in ahih hang Lekno a lungleng ngap a hih man in hong kap aa kei pailo kik hing. Tua a hih leh Kawlgam sungah nuntakna zongkhawm ni kici in kei tan 10 hongkah sak kik hi. Kei zong hai lua in i ngaih a hih ciang na mang kha pah ingh. Pangpi ah hongkah sak himah hiven kei ut lo in Kawlpi aa ka u kiangah kahzaw ningh ci in naki thawito ta hi ingh. Lungleng lua in khakhat in 2 veibang na tungsuk pahpah hi ingh. Khatvei kaki ciam uh pen inn ah na ngaklo in a lawmte kiang ah na giak ahih manin Inn kong kalkham in lut in kei leh kei tua sungah ki that sawm ingh. Tuani kipan Lekno in hong lau pian ta hi. Hih bangin ka ki tot uh hang ka om khop ding uh thulh tuan lo hi ungh. Bangbang hi leh ki teng ding, nu leh pa in hong kham hang kiteng ding cih thu hi kaki ciam den uh. Ka sang man leng kei thu hita hong ci den hi.

Kei pen hai mahmah in Lekno leh mi kiho leh haza mahmah ingh aa “Lekno aw, pasal te kuamah muanhuai lo, inn peuhmah ah kuamah lutsak lo ding, Napa leh U Thangno lo buang” cici hi ingh. Dimkhawl tawh omkhawm zel in Dimkhawl ten Pasal a ut bangbang lut ziahziah aa zin khong zong nei pahpah hi. Ka kitot theih zel na uh pen kei jealous theilua ka hih man hi. Numei khat bek om pen ngaih hamsa mahmah in i muan hang doubt kinei veve hi. Lekno paktat ka cihna hi kei. Hih feeling pen a nei ding hamsa hi. Numei khat bek a om a ngai

kha te bekin thei ding hi.

Internet Lekno
Internet pen nidangin a manloh khongteh lai hong khak sak thei zel hi. U Cecilia te zong a manloh ciang keita in lai khak thei zel ingh. Tua pan aa katheih mail ka hong ciangaa laihong tungte nasim kha zel ka hih man in Lekno i thusim teng thei in naki tawng theizel ungh. Mail aa alawmpa teng kakhen leh hong that dektak hi. Ken kazi dan in ngai-in ngaihsun ka hih ciangin hiteng a hih ngam hi pan ingh. Ka simmawhna ahih loh lam hong tel sak nuam ingh.

Sum, pilna
Kanu in nang hong deihlo ding hi, hai lua teh, zawng lua teh hongcih vat ciangin ka dah mahmah hi. Hong cihna thu ka dotdot leh midang tawh gawmnuam ahih manaa kei hehpih huai hongsak man aa hong khen hi. Ken khen zo tuannawn lo hi ing. Ka U mai ah zong hong khen in kei dah mahmah in, mihing ka hih na tawh revenge ding ci in ki pan in mikiang ah gen kha ingh. Sia Tenglan kiang leh Sia Fenglam kiang hi in a mau zong a kamtam te hilo hi. Kawlpi aa ka u in a theih ciang a zi kiang ah gen in hong ki thei toto ta hi. Ka lungsim sungah luahsa Lekno mikiang tung ding hita veh ee ci in hong om den in anne zolo tuidawn zo lo in na om den ingh. Ka ngaihsutna ah a nukiang ah gen leng ki lamdang nawn kei ci ding in hong gawm lel in teh cih lametna nei ka hih man in aa u Lamno hamsa pipi in phone naset in na gen hi ingh. Ahih hang lamet hong bang lo hi. Hih bangin buaina a om hangin omkhawm veve hi ungh.

Ka nu
Kanu in Sua Tung aw mi hong ngailo hong deihlo te nusia in. Ei aa ding Pasian in hong vaihawm ding hi. A zawng lua hihang. Kei nanu hong maisak in hongci in hong kah san hi. Aw, ka cih hangin Lekno pen khen zo mahmah lo hi ingh.

Hi,mah lo hia leh?
Kap

Lekno pen kei hang in kap den, tai thuak den ahih manin hih ciang tawh khawl leng a kap hong kam deuhin tai a thuak nawn loh ding thupi sa ingh. I ngaihte hongkap taktak ciang ki si nuam zaw hi.

Si nuam
Hih thu hangin Lekno leh kei pen tamvei pi si nuam hi ungh. Hong that o, ki ci tuak in a hih hang ki it tuak mahmah in ki that ngamlo veve hi ungh.

Nute it Lekno
Lekno in hell ka tungzong in U Tung aw ka nute ka u te leitung ah lungkim sak nuam ingh hong ci ahih manin kei tawh hong ki awi kei leh hong khen ngam lel hi.

Nasem khawm, puansawp khawm, kisil khawm, kikhawm khawm, om khawm, kap khawm, dah khawm, nuam khawm, zin khawm, lum khaw, lam khawm, lasa khawm, thungen khawm, laisiangtho sim khawm, manglai en khawm, lai bawl khawm, tui ten khawm, mota bawl khawm, bazaar khawm, anne khawm, na khempeuh nahih khawm khin ungh. Ngai mahmah ingh, phawk mahmah ingh.

Lekno in hong vua ngam in ken zong vua ngam hi ingh. Ka ki kal uh ah nupa lungsim nei hi ungh.

Lungtup Lekno aa dingin nungta in a khitui te lungdam na khitui ah, haksat na te nop na ah, zumna te maitai na ah, negative khempeuh pen positive ah change nuam ingh.

Omkhop nunung pen 8.11.2013 bangzah vei omkhawm cileng 100 vei bang val liang ding hi. Bang zahvei kiss ci leng 1000 val liang ding hi.

Tua ahih manin Lekno in midang tawh tanu tapa 10 bang a nei zongin ka zi hiden ding hi u Thangno aw

yours..
Sua Tung,
Tedim,
Myoma

NB: Name changed for Ethics Privacy

Posted on August 26, 2014, in Cimphawng/Tuahkhak teng and tagged , , . Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: